Nú er uppskerutímabil á sviði hönnunar og lista með komu HönnunarMars sem við á ritstjórn höfum ólm beðið eftir með allri þeirri nýsköpun og hugmyndaauðgi sem hátíðin gefur af sér. Þar lítur margra mánaða og jafnvel margra ára vinna dagsins ljós og við gleðjumst saman yfir sköpunargáfunni – það er ekki á hverjum degi sem við fáum að sjá svona marga framúrskarandi hönnuði, listamenn og sýningar á lítilli eyju úti á miðju Atlantshafi.
