Ólafur Heiðar Helgason byrjaði að hlaupa af alvöru fyrir áratug síðan og kláraði sitt fyrsta hálfmaraþon í sumarlok 2012. Ólafur hefur hlaupið víða hér heima og erlendis, sér til ánægju, heilsubótar og keppni. Í fyrra fór hann að stunda náttúruhlaup og nýlega gaf hann út bókina Hlaupahringir á Íslandi þar sem eru fjölbreyttar og fallegar leiðir um allt land með áherslu á utanvega-, náttúru- og fjallaleiðir.
