Danir buðu tískuspekúlöntum heim í byrjun febrúarmánaðar þegar hausttískan var sýnd með pomp og prakt í höfuðborginni, Kaupmannahöfn. Dönsk fatahönnun nýtur mikilla vinsælda um þessar mundir og biðu því margir í ofvæni eftir að sjá hvað merki á borð við Saks Potts, Stine Goya og Rodarte hefðu fram að færa að þessu sinni. Götutískan er þó ekki síður spennandi viðfangsefni en sýningarnar sjálfar því þar má gjarnan glögglega sjá hvaða trend eiga eftir að tröllríða tískuheiminum næstu mánuðina. Við skoðuðum málið!
