Stílhreint húsið stendur á stórkostlegum útsýnisstað þar sem hluti borgarinnar blasir við sem og Esjan, Akrafjall og Skarðsheiði og svo sjálfur Snæfellsjökull sem sagður er loga. Astrid Boysen og eiginmaður hennar, Birgir Gunnarsson, festu kaup á húsinu í fyrra og ætla að taka það svolítið í gegn og eru þegar búin að breyta efri hæðinni að sínum smekk. Nútímaleg en jafnframt hlýleg hönnun ræður ríkjum á heimilinu.
