Steingrímur Gauti Ingólfsson myndlistarmaður opnaði nýverið einkasýningu sína Lingering Space í Listval Gallery en þar áður var hann með einkasýningu í Galerie Marguo í París. Verk hans hafa farið víðs vegar um heiminn og hangir stærsta verkið hans nú í Shanghai. Steingrímur fæst við óhlutbundin verk sem eru unnin eftir tilfinningu og vilja efnisins þar sem þolinmæðin og zen-hugsunarháttur leyfa hlutunum að finna þann farveg sem vill verða í lífi og list.
