Innlit

Hús og híbýli

Partístofa og praktík í Garðabænum

Umsjón/ Þórey ÞórsdóttirMyndir/ Sunna Gautadóttir Júlía Guðbjörnsdóttir og fjölskylda sögðu nýverið skilið við lífið í miðbæ Reykjavíkur og fluttu í Garðabæinn sumarið 2025. Þar hafa þau komið sér vel fyrir í einstaklega fallegu og björtu raðhúsi þar sem lofthæðin er mikil, litirnir hlýir og persónulegir munir í fyrirrúmi. Heimilið er sannkallaður griðastaður þar sem klassískur glæsileiki og barnvænt fjölskyldulíf mætast á smekklegan hátt. Júlía starfar sem öryggis- og gæðastjóri Isavia innanlandsflugvalla þar sem vinnudagarnir eru fjölbreyttir og krefjandi. Henni þykir því mikilvægt að heimilið sé notalegt með nóg af sófum og kertum til að hafa það huggulegt eftir annasaman dag. Heiti potturinn er í miklu uppáhaldi hjá fjölskyldunni og notar fjölskyldan hann daglega. „Ég tek yfirleitt fyrsta kaffibollann um helgar þar ofan í og það er búið að vera dásamlegt að fylgjast með norðurljósunum á kvöldin,“ segir hún. Hverfið sjálft heillaði þau líka fljótt með grænum svæðum, leikvöllum og leikskólum í göngufæri. „Hér eru hlaupaleiðir allt í kring sem ég er spennt að skoða betur og að mínu...