Eygló Gísladóttir er 36 ára ljósmyndari með tímalausan og fallegan stíl. Hún er fædd og uppalin í Njarðvík en býr í dag með Stormi, fimm ára syni sínum, á Tómasarhaga í Vesturbænum. Þegar blaðamaður heyrði í henni hljóðið var hún að undirbúa sig undir erilsama helgi við að mynda viðburði á menningarnótt. Það verkefni var henni vel að skapi enda mikil áhugakona um listir og menningu. Þegar hún er ekki að mynda eða klára að gera upp íbúðina þeirra mæðgina notar hún tíma sinn í það að prjóna og fara í sund og ferðalög.
