Nýverið lögðum við leið okkar á nýjan og spennandi veitingastað við Hverfisgötu þar sem japanskra og ítalskra áhrifa gætir. Staðurinn heitir OTO og er til húsa við Hverfisgötu 44 í afar notalegu og fallega innréttuðu rými. Sigurður Laufdal er eigandi og yfirkokkur. Hann tók vel á móti föruneyti Gestgjafans og sagði okkur frá hugmyndinni á bak við OTO. Svo plötuðum við hann til að gefa okkur tvær frábærar uppskriftir, þar á meðal að fallegum og ferskum kokteil sem hefur vakið mikla lukku hjá þeim.
