Söngkonan Sabrina Carpenter hefur vakið verðskuldaða athygli upp á síðkastið og það má með sanni segja að hún sé komin í hóp stærstu nafnanna í poppheiminum. Sabrina er vön sviðsljósinu en hún hefur frá unga aldri unnið við leiklist og söng. Það var þó ekki fyrr en nýlega sem stjarna hennar tók að skína eftir að hún hitaði upp fyrir stöllu sína, súperstjörnuna Taylor Swift, á tónleikaferð hennar um heiminn. Fólk dáist ekki einungis að sönghæfileikum og sviðsframkomu Sabrina heldur einnig flekklausri förðuninni sem einkennist af ljómandi húð og rjóðum kinnum.
