Inga Minelgaite er heiðursræðismaður Litháens á Íslandi og prófessor við viðskiptafræðideild Háskóla Íslands. Hún er mikil fjölskyldukona sem elskar góðan húmor en hún segist vera mjög forvitin með gildin sína á hreinu en hún veit hvað drífur hana áfram. Inga er með nokkra hatta í sínu starfi en ásamt þessari vinnu sinnir hún gestaprófessorsstöðu og stjórnarformennsku við háskóla í Evrópu og Jóhannesarháskóla í Suður-Afríku. „Ég hef unnið með svokölluðum „tripple crown“ háskólum, sem eru eitt prósent af bestu viðskiptaskólum í heimi, en svo veiti ég fræðslu og ráðgjöf fyrir fyrirtæki og alþjóðlegar fagstofnanir.“ Inga er með BS-próf í markaðsfræði, meistaragráðu í mannauðsstjórnun og doktorsgráðu í leiðtogafræði frá Háskóla Íslands. Inga kynntist og giftist Íslendingi þegar hún bjó í Litháen sem varð til þess að hún flutti til Íslands. Hjónabandið varð ekki langlíft en hún hefur komið sér vel fyrir á Íslandi. Hún segir okkur frá sínu lífi í Litháen, hjónabandinu og skilnaðinum, barninu sínu sem glímir við vissar áskoranir og hvernig það er að vera kona í leiðtogahlutverki.
