Plantan kaffihús er staðsett á horni Njálsgötu og Barónsstígs, skammt frá Sundhöll Reykjavíkur. Eigendur staðarins, þau Bernódus Óli Einarsson, Hrafnhildur Gunnarsdóttir og Júlía Sif Liljudóttir, áttu sér þann draum að opna kaffihús með heimilislegu bakkelsi og góðu kaffi fyrir alla, þar sem allt á boðstólnum væri vegan. Í júlí á þessu ári varð draumurinn að veruleika og hefur strax myndast hverfisstemning á kaffihúsinu líkt og þau vonuðust eftir.
