París er án efa mín uppáhaldsborg. Þar bjó ég um tíma og fór á eftirminnilegan leik Íslands og Austurríkis í EM-ævintýrinu 2016. Ég hef ekki getað slitið mig frá borginni síðan. Það er alltaf hægt að finna sér eitthvað gott að borða í borginni, hvar sem maður er staddur. Hverfin hafa hver sinn sjarma og einkenni en ég mæli með því að kanna mismunandi hverfi í borgarferðum ykkar til Parísar og sjá allt það helsta sem þessi dásamlega borg hefur upp á að bjóða. Hér hafið þið mín meðmæli í borg ástarinnar.
