Í snoturri íbúð í tæplega 100 ára gömlu bakhúsi við Njálsgötu búa þau Irja Gröndal, Hróbjartur Pálmar Hilmarsson og hundurinn Lappi. Íbúðin er á neðri hæð tvíbýlishúss og er um 58 fermetrar, hún er notaleg og sjarmerandi og gróinn garðurinn setur punktinn yfir i-ið. Það er óhætt að segja að íbúðin sé kósí enda leggur Irja mikla áherslu á að skapa notalega stemningu á heimilinu.
