Lögmaðurinn Hildur Sólveig Pétursdóttir og verkfræðingurinn Agni Ásgeirsson byggðu sumarbústaðinn Sólfaxa í Biskupstungum fyrir tíu árum síðan en þau vildu að bústaðurinn gæti rúmað fjölskylduna til framtíðar. Landið var áður í eigu móður Hildar en amma hennar og afi voru áður með búskap á jörðinni. Nú eiga ættmennin sumarbústaði á holtinu og reka þar gufufélag sem stendur fyrir ýmsum skemmtilegum viðburðum. Við litum í heimsókn í þessa einstöku eign í íslensku veðri og vindum en bústaðurinn stendur það allt af sér.
