Nýverið skelltum við okkur í ferðalag til Vestmannaeyja til að heimsækja Pítsugerðina við Bárustíg þar sem klassískar Napólí-pítsuhefðir leika aðalhlutverkið. Við hittum fyrir Anton Örn Eggertsson sem er einn fjögurra eiganda. Hann sagði okkur frá hugmyndinni að staðnum og helstu áherslum og svo gaf hann okkur uppskrift að frábæru pítsudeigi sem kemur sér vel fyrir þau sem þurfa að svala pítsuþorstanum eftir lesturinn. Sumartíminn er í algjöru uppáhaldi hjá eigendum Pítsugerðarinnar að sögn Antons en þá fá þau til sín fjöldann allan af sælkerum hvaðanæva að úr heiminum.
