Listakonan og kokkurinn Laila Gohar hefur hannað fallega línu af borðbúnaði og aukahlutum í eldhúsið í samstarfi við HAY. Með línunni vill hún fanga gleðina sem fylgir því að bjóða fólki heim í mat og drykk og setjast niður í góðra vina hópi. Línan heitir Sobremesa sem er spænskt orð yfir hefðina sem er að setjast niður í næði og njóta líðandi stundar í góðum félagsskap eftir seðjandi máltíð.
