Sumarið er tíminn og færir okkur birtu og yl og ekki er laust við að orkustigið hækki við dagsbirtu allan sólarhringinn. Þjóðin vaknar til lífsins eins og blómin og dýrmætra stunda er notið í garðinum. Vel þegið sumarfrí býður upp á alls konar ferðalög um landið í ómetanlegri náttúrufegurð. Dvöl í sumarhúsum, boð og grillveislur eru tíð þar sem litadýrð sumarsins fær að njóta sín í góðum félagsskap fjölskyldu og vina.
