Ljóðskáldið Sunna Dís Másdóttir töfraði fram gómsæta haustköku með sítrónusírópi þegar okkur bar að garði. Sunna er mikill sælkeri og hefur gaman af bakstri og þá ekki síst þegar uppskriftirnar eru „óheyrilega flóknar“ eins og hún orðar það. Eitt sinn var hún meira að segja með þá hefð að baka á hverjum sunnudegi. En uppskriftin sem hún deilir með okkur að þessu sinni er tiltölulega einföld og skotheld.
