Gunnar Bjarki Birnuson er ungur ljósmyndari sem hefur svo sannarlega sett mark sitt á brúðkaupsljósmyndun hér á Íslandi sem og erlendis. Hann fæddist í Vestmannaeyjum en flutti til Akureyrar þegar hann var fimm ára og bjó þar í 20 ár. Sumarið 2021 ákvað hann að hætta í vinnu sinni á Akureyri og flytja suður til Reykjavíkur og elta draum sinn um að starfa sem ljósmyndari.
