Nýverið skoðuðum við íburðarmikla og smart þakíbúð í Borgartúni en þar býr Inga Tinna Sigurðardóttir, framkvæmdastjóri Dineout. Hún er mikill fagurkeri eins og sjá má á heimili hennar og er óhætt að segja að hún hafi hugsað vandlega út í hvert smáatriði þannig að heildarútkoman er hin glæsilegasta. Inga Tinna hefur alltaf haft áhuga á heimili og hönnun og fékk mikla útrás fyrir það áhugamál þegar hún var að koma sér fyrir í nýju íbúðinni.
