Ester Mondragon er 25 ára Grafarvogsmær, ættuð frá Íslandi og Kosta Ríka. Hún er að eigin sögn „anime og manga-atvinnukona“ og með brennandi áhuga á öllu sem viðkemur förðun og snyrtivörum. Hún útskrifaðist sem förðunarfræðingur árið 2020 og hefur starfað við fagið síðan. Í dag er hún verktaki í kvikmyndabransanum og er að vinna aðra hvora helgi í snyrtivörubúð sem heitir Elira. Við fengum Ester til að fara yfir þær vörur sem voru í uppáhaldi hjá henni á nýliðnu ári og spá fyrir um það hvað trend verða ríkjandi í förðunarheiminum árið 2024.
