Á köldum degi í desember heimsóttum við fallegt heimili í Hlíðunum þar sem Eva Rakel Jónsdóttir og Agnar Friðbertsson búa ásamt börnunum sínum tveimur Lísu 4 ára og Jón Elí 2 ára. Íbúðin er 135 fermetrar að stærð og passar fullkomlega utan um fjölskylduna. Íbúðin er hlý og stemningin góð og áreynslulaus alls staðar má reka augun í fallega muni og hver hlutur á sinn stað. Ekki er langt síðan ráðist var í framkvæmdir á fallega heimilinu þeirra og er útkoman alveg frábær.
