Edda Konráðsdóttir, framkvæmdastjóri Innovation Week, stofnaði hátíðina árið 2020 ásamt Melkorku Sigríði Magnúsdóttur og vilja þær meina að nýsköpun sé gífurlega mikilvæg. Edda telur til dæmis að nýsköpun viðhaldi atvinnugreinum, bæti, hagræði og umbreyti. Hún segir jafnframt að hugvitið sé nú orðin ein helsta útflutningsvara Íslendinga og því mjög mikilvægt að hlúa að nýsköpun og frumkvöðlastarfsemi. Nýsköpun þrífst líka sérlega vel á krísutímum en Edda bendir á að við höfum til dæmis séð það svart á hvítu eftir Covid-heimsfaraldurinn hvernig heilbrigðisgeirinn og heilsutækni efldist til muna og tók um tíu ára stökk á tveimur árum. „Við tæklum stærstu áskoranirnar sem samfélag með nýsköpun að vopni.“ Blaðamaður fékk að forvitnast um starfsemina, nýsköpunarheiminn og fólkið á bak við hátíðina en hátíðin hefur farið fram hér á landi þrisvar sinnum síðan 2020 og stækkar með hverju árinu.
Umsjón og texti: Salome Friðgeirsdóttir
Myndir: Gunnar Bjarki og úr einkasafni
