Í fallegri íbúð við Austurbrún í Laugardalnum býr Agnes Hlíf Andrésdóttir, viðskiptastjóri hjá Hvíta húsinu, ásamt börnunum sínum þremur; Alexander Erni Bárðarsyni, 15 ára, og tvíburunum Elísabetu Ylfu og Ísabellu Ylfu Bárðardætrum, 11 ára, að ógleymdum hundinum Mozart. Agnesi hefur tekist að skapa sér og fjölskyldunni smekklegt heimili þar sem aðaláherslan er á að fólki líði vel í rýminu. Hún hefur sótt mikinn innblástur til Parísar þegar kemur að innanhússhönnun og í dag er heimili hennar kallað „Parísarslotið“ af vinum og fjölskyldu.
