Lesandi vikunnar að þessu sinni er Sunnlendingurinn Ásgerður Vala Eyþórsdóttir. Hún er fædd á Selfossi, uppalin til níu ára aldurs í Kaldaðarnesi í Flóa en hefur lengst af búið í Hveragerði og vill hvergi annars staðar vera. Hún hefur verið bókhneigð frá því hún man eftir sér og sílesandi alla tíð, stundaði nám í bókmenntafræði og naut þess vel þó hún hafi ekki lokið náminu.
