Gaman er að kaupa fallega hluti og leikföng fyrir börn, en á sama tíma oft krefjandi verkefni. Leikföngin þurfa að uppfylla allt í senn; að vekja áhuga barnsins, vera þroskandi, falleg og skemmtileg, uppfylla alla öryggisstaðla og kosta ekki of mikið. Ágætt er að hafa í huga að kaupa frekar leikföng sem geta þroskast með barninu, frekar en þau sem endast örstutt. Vikan kíkti í búðir og valdi nokkra fallega og skemmtilega hluti.
