Annie Mist Þórisdóttir var fyrsta konan í heiminum til að vinna Crossfit-leikana tvisvar í röð en hún varð heimsmeistari árin 2011 og 2012. Hún varð í öðru sæti á leikunum árin 2010 og 2014. Tvær hraustustu konur landsins, þær Katrín Tanja Davíðsdóttir og Annie Mist Þórisdóttir, segja að þeim hafi opnast hulinn heimur þegar þær fóru að kynna sér hvaða hreyfing virki best fyrir konur á breytingaskeiði. Þær bjóða nú upp á ráðgjöf um næringu, hreyfingu og allt sem viðkemur breytingum í líkamanum á þessu skeiði.
Það kom reyndar ekki til af góðu að þær fóru að skoða hreyfingu og mataræði kvenna á breytingaskeiði. Þær sáu það einfaldlega á mæðrum sínum að það sem virkaði vel fyrir þær áður hentaði þeim alls ekki lengur. Þrátt fyrir að mæður þeirra legðu sig allar fram sáu þær lítinn árangur af erfiðinu. Það átti þó eftir að breytast hratt.
Annie segir að konur á breytingaskeiði eigi að lyfta lóðum þrisvar í viku, taka hraða spretti einu sinni í viku og borða eitthvað prótein í hvert mál.
