Í notalegri íbúð í Kópavoginum búa þau Sara Björk og Ágúst Orri ásamt tveimur frönskum bolabítum, þeim Calvin og Kleinu. Sara er eigandi heimilis- og gjafavöruverslunarinnar Purkhúss sem upphaflega hófst sem áhugamál en fyrirtækið hefur nú stækkað ört. Við fengum Söru til þess að töfra fram jól á heimili sínu í Kópavogi en íbúðin hefur einkar hlýlegt yfirbragð þar sem hver krókur og kimi er útfærður á fallegan hátt.
