Fyrir nokkrum árum vann ég hjá stofnun þar sem reyndi mjög á samstarf og samstöðu starfsfólksins. Líkt og algengt er í íslenskum fyrirtækjum vorum við of fá og ef takast ætti að ljúka verkefnunum urðu allir að leggja sitt af mörkum og meira til. Starfið var krefjandi en einn þáttur þess léttari eða bakvinnslan. Ein kona í hópnum var snillingur í að koma sér undan verkum og velta sínum skyldum yfir á okkur hin.
