Krossviður er unninn viður sem búinn er til með því að líma saman lög af viðarspæni. Viðurinn er mjög stöðugur þar sem hann hvorki verpist né rýrnar vegna þess að æðarnar liggja í kross og toga þannig í allar áttir. Hann hefur líka verið mikið notaður þar sem þörf er á léttu og sveigjanlegu byggingarefni sem auðvelt er að vinna hratt og auðvelt er að endurnýta. Krossviður setur sérstakan svip á rýmið með léttu yfirbragði en það getur verið gaman að leika sér með hann í innanhússhönnun.
