Þegar hausta tekur og fegurð haustlitanna umvefur okkur í kaldara loftslagi með ilm árstíðarinnar í vitum. Sólin nær að brjótast út á milli skýjanna á góðum degi. Hún ýkir litina enn frekar og veitir það mörgum innblástur til sköpunar þar sem fagurlituðum laufblöðum í allskonar lögun er safnað. Þá er tilvalið að fá útrás fyrir sköpunina við kertaljós með fjölskyldunni og búa til hlýjar minningar heima eða í bústaðnum. Haustverkin ýta við okkur og við söfnum að okkur fræjum og haustlaukum. Garðhúsið minnir á sig, sérstaklega þegar næða tekur og haustlægðirnar gera vart við sig. Inni í garðhúsinu er önnur árstíð og blómin þar ilma. Töfraveröld sköpunar verður til við yl, því ekkert þarf meira en sólarglætu og litlir fingur blómstra í hafi hugmynda. Vatnsdroparnir dynja á glerinu og vindurinn næðir fyrir utan og þeytir fagurlituðum laufum á jörðina. Ef við erum heppin birtist okkur regnboginn og bætir á upplifunina.
