Helena Stefánsdóttir, kvikmyndaleikstýra og vídeólistakona, býr í tignarlegu einbýlishúsi í Laugardal ásamt eiginmanni sínum, Arnari Steini þrívíddarhönnuði, og dóttur þeirra, Ilmi Maríu, sem stundar nú leiklistarnám í London. Hundurinn Örvar og kisan Jasmín hjúfra sig einnig á heimilinu. Djúpir litir, skrautleg veggfóður og afslappað andrúmsloft einkennir þetta fallega gamla hús.
