BON Restaurant er notalegur staður við Laugaveg sem veitir friðsæld frá látum götunnar og amstri dagsins. Staðurinn er hluti af Hotel VON og var opnaður í ágúst síðastliðnum í sögulegu húsi við Laugaveg. Frönsk matargerð og vín eru hér í hávegum höfð en andrúmsloftið er einstaklega hlýtt og hönnun staðarins úthugsuð svo hér er gott að setjast niður með vínglas og gæða sér á frönskum smáréttum.
