Á þessum dimmustu og köldustu mánuðum er gott að koma saman inni í hlýjunni og útbúa fallegar skreytingar fyrir jólin. Þetta þarf ekki að vera flókið og er tilvalið að nýta það sem er til nú þegar og bæta nokkrum lifandi greinum og könglum við svo jólailmurinn umlyki heimilið. Þá er gott ráð að ákveða litaþema og leika sér með litina í innpökkuninni og við gerð jólaskrauts. Við vonum að þessar hugmyndir veiti ykkur innblástur á komandi aðventu.
