Í miðbæ Akureyrar á milli apótekara og fasteignasala er að finna dásamlega vin, Grófina geðrækt. Í ár dregur til tíðinda hjá Grófarfólki en geðræktin, sú stærsta og virkasta utan höfuðborgarsvæðisins, fagnar tíu ára afmæli í október og það á Alþjóða geðheilbrigðisdaginn 10. október. Starf Grófarinnar, sem byggt er á hugmyndafræði valdeflingar, virkni í bata og reynslu notenda, er vel sótt enda gjaldfrjálst úrræði fyrir fólk 18 ára og eldra. Þangað kemur fólk á öllum stigum lífsins og vinnur saman út frá jafningjanálgun að aukinni virkni, félagslegri heilsu og sjálfsvinnu
