Það er óhætt að lýsa þessu fallega fjölskylduheimili á Selfossi sem stílhreinu. Hérna eru ljósir litatónar og léttleiki í aðalhlutverki og gott jafnvægi ríkir á milli þess hráa og hlýlega. Það eru þau Lára Kristinsdóttir og Kamil Daníel Sigurðarson sem búa hérna ásamt dætrum sínum. Húsið er rúmir 147 fermetrar og stendur við Móstekk í nýju og upprennandi íbúðahverfi á Selfossi. Við kíktum í heimsókn og dögunum og fengum að litast um á þessu notalega heimili.
