Í afar notalegri íbúð í reisulegu timburhúsi í miðbæ Reykjavíkur býr vöruhönnuðurinn Ólöf Sigþórsdóttir ásamt manni sínum, Vali Hreggviðssyni myndlistarmanni, og eins og hálfs árs syni þeirra, Mána Snæ. Húsið var byggt árið 1907. Íbúðin er 80 fermetrar og skiptist í forstofu, tvö svefnherbergi, baðherbergi, eldhús og samliggjandi stofu og borðstofu. Ólöf segir þau Val hafa heillast af íbúðinni um leið og þau gengu fyrst inn í hana og fundið að þar væri góður andi.
