Að greinast með krabbamein er öllum áfall en líklega á enginn von á slíku þegar hann er aðeins rétt skriðinn yfir þrítugt. En hvenær sem greiningin kemur er þeim ekki gefinn annar kostur en að bretta upp ermar og berjast. Gunnar Örn Runólfsson var þrjátíu og þriggja ára þegar hann fékk að vita að hann væri með krabbamein en hann og kona hans, Telma Dís Ólafsdóttir segja að staðan sé góð en framtíðina sjá þau í nýju ljósi.
