Það verður að teljast sannkallaður hvalreki fyrir tónlistarunnendur að Thurston Moore og hljómsveit séu á leiðinni til Íslands. Thurston stofnaði hljómsveitina Sonic Youth árið 1981 ásamt Kim Gordon en sveitin er ein af áhrifamestu hljómsveitum síðastliðinna 40 ára. Hann hóf síðan sólóferil og plata hans By The Fire fékk góða dóma. Hann treður upp ásamt hljómsveit sinni í Stapa í Hljómahöll í Keflavík þann 9. október. Miðarnir fást á tix.is
