Guðrún Kristjánsdóttir er einn eigenda Systrasamlagsins á Óðinsgötu og rekur það ásamt systur sinni, Jóhönnu. Þær systur voru frumkvöðlar í rekstri heilsutengds kaffihúss á Íslandi og raunar snerist Systrasamlagið ævinlega meira um andlega og líkamlega vellíðan en kaffi. Þar er einnig lögð áhersla á umhverfisvænar vörur og ábyrgð neytenda. Það er fróðlegt að vita hvers konar bókmenntir kona með þessar hugsjónir velur sér.
