Pina Colada á rætur sínar að rekja til San Juan í Puerto Rico þar sem barþjónninn Ramón „Monchito“ Marrero blandaði hann fyrst á Caribe-hótelinu 1954. Ávaxtarík blanda af rommi, kókósmjólk og ananassafa gerir hann að drykk sem við tengjum við sól og sumar. Línan „If you like Pina Coladas and getting caught in the rain“ í laginu Escape frá 1979 minnir samt frekar á íslenskt sumar, þar sem við berjumst við að halda rörinu í kokteilnum í hverri sumarlægðinni á fætur annarri.
