„Feitar konur stunda líka kynlíf,“ sagði amma mín í jólakúluboði um síðastliðin jól. Hún hefur svo sem aldrei verið tepra en hún gæti verið komin með einhver elliglöp því hún segir það fyrsta sem henni dettur í hug án nokkurrar ritskoðunar. En auðvitað er það satt og rétt hjá ömmu að feitar konur stunda líka kynlíf, rétt eins og grannar konur, lágvaxnar konur, hávaxnar konur og allt þar á milli. Það virðist samt stundum vera þannig að (fordómafullu) fólki finnist svo ekki eiga að vera. En af hverju ættu feitar konur ekki að njóta kynlífs?
