„Ég sleppi því frekar að gera hlutina í stað þess að gera þá illa,“ segir sælkerinn og fagurkerinn Dagný Magnúsdóttir sem rekur Hendur í höfn í Þorlákshöfn. Það er auðvelt að mæla með því að gera sér ferð á þennan skemmtilega stað þar sem allur matur er gerður frá grunni og nostrað hefur verið við hvert smáatriði. Að koma inn á Hendur í höfn er svolítið eins og að koma inn á fallegt heimili.
